عاداتنا لا جـات روغـات لذهـان نلقـى لنـا بيـن الوسايـل وسايـل
للخيـل خيالـه و للحـرب فرسـان وللضـد ضـد وللسلايـل سـلايـل
حنا هل الوقفـات فـي كـل ميـدان أهـل العـزاوي متعبيـن الأصايـل
يا ما ركبناها بلا سـرج وعنـان ويـا مـا ردعنـا فوقهـا كـل عايـل
ويا ما حذفنا الروس من فوق الأمتان ويا مـا سترنـا ناقضـات الجدايـل
وحنا نفـك رقـاب ونحـرر أوطـان ونعـدل الوقـت الـردي لا تمايـل
أفعالنا ما هـي تقـدر بالأثمـان أفعالنـا أصـدق مـن حقـوق المخايـل
من وقتنا الماضي إلى وقتنا الآن و حنا لهـا مـا بيـن صايـل و جايـل
و الدار تبقي شعب و جنود و أعوان و صدق و وفى و أخلاص في كل فايل
و حنا فدا هل دار فـي كـل الأحيـان والله مـا نرضـى سواهـا بدايـل
الشعب صامد والمعازيـم شجعـان لا وقفـوّا تشفـى الصـدور الغلايـل
من دون أبو سلمـان و أخـوي سلمـان سـواة الزيـر وأخـوه وايـل
السبت ديسمبر 04, 2010 6:32 am
